துளசிதாசரின்

கிஷ்கிந்தா காண்டம்.

ஓர் ஆய்வு

 

வாலி வத சர்ச்சை

 

பதிவு எண் 226

 

நேற்றைய தொடர்ச்சி....

 

 

வாலி போரில் கொல்லப்பட்டான் என்று சொல்கிறார் அனுமன் என்று நேற்றைய பதிவில் பார்த்தோம். . அதன் தொடர்ச்சி...

 

 

அடுத்த சுலோகம் இன்னும் தெளிவானது

 

ततो निहत्य तरसा रामो वालिनमाहवे ।

सर्वर्क्षहरिसङ्घानां सुग्रीवमकरोत्पतिम् ॥5.35.51

 

 

 இங்கே இரண்டு சொற்கள் மிகவும் முக்கியமானவை:

 

वालिनम् आहवे —  

“வாலியை போர்க்களத்தில் / போரில்” 

அனுமன் கூறுவது:

 

“பின்னர் இராமன் போரில் வாலியை விரைவாகக் கொன்று, சுக்ரீவனை வானர–கரடி கூட்டங்களின் தலைவனாக்கினான்.” 

 

அதன்பின்

 

रामसुग्रीवयोरैक्यं ... समजायत ।

हनूमन्तं च मां विद्धि तयोर्दूतमुपागतम् ॥5.35.52:

 

“இவ்வாறு இராம–சுக்ரீவர்களின் கூட்டணி ஏற்பட்டது; அவர்களுடைய தூதனாக வந்த என்னை அனுமன் என்று அறிந்துகொள்.”

 

அதாவது இதைச் சொல்பவன் வேறு யாருமல்ல — அந்த நிகழ்வுகளுடன் நேரடியாகத் தொடர்புடைய அனுமனே என்று சீதையைச் சந்தித்தபோது அ\னுமன்  சொல்கிறான்.

 

வால்மீகி இராமாயணத்தின் பாலகாண்டம் 1-ஆம் சர்க்கத்தில், நாரதர் இராமகதையைச் சுருக்கமாக வால்மீகியிடம் கூறுகிறார்.

 

அங்கே:

 

तदा निर्गत्य सुग्रीवेण समागतः

एकेन शरेण निजघान

 

என்று இராமன் ஒரு அம்பினால் வாலியை வீழ்த்தியதாகக் கூறப்படுகிறது; மேலும் அடுத்த சுலோகத்தில்:

 

ततस्सुग्रीववचनाद्धत्वा वालिनमाहवे ।

सुग्रीवमेव तद्राज्ये राघवः प्रत्यपादयत् ॥

  

“சுக்ரீவனின் வேண்டுகோளின்படி போரில் (āhave) வாலியைக் கொன்று, இராகவன் சுக்ரீவனை அந்த அரசில் நிறுவினான்.” என்று வருகிறது.

 

 

இங்கே கவனிக்க வேண்டியது:

 

ஆஹவே (āhave) என்பது āhava என்ற சொல்லின் வடிவம்; அதற்கு “battle, combat, contest” என்ற பொருள்கள் உள்ளன.

 

தொடரும்